اردو ورلڈ کینیڈا (ویب نیوز ) امریکی ریاست کیلیفورنیا کے شہر لاس اینجلس میں 7 جنوری کو لگنے والی آگ پر تاحال قابو نہیں پایا جا سکا۔
اسی دوران کیلیفورنیا میں ایک اور آگ بھڑک اٹھی ہے۔لاس اینجلس سے تقریباً 100 کلومیٹر دور وینٹورا کاؤنٹی میں جھاڑیوں میں آگ بھڑک اٹھی۔ آگ نے چند گھنٹوں میں 5 ایکڑ اراضی کو جلا دیا۔75 فائر فائٹرز آگ پر قابو پانے کی کوششوں میں مصروف ہیں جنہیں ہیلی کاپٹر کی مدد بھی حاصل ہے۔کاؤنٹی حکام کے مطابق تیز ہواؤں کے باعث آگ تیزی سے پھیل رہی ہے۔ وینٹورا کاؤنٹی لاس اینجلس سے 109 کلومیٹر کے فاصلے پر ہے۔
لاس اینجلس میں 7 جنوری کو لگنے والی آگ پر قابو نہیں پایا جاسکا ہے جس کے شعلے اب بھی تین مقامات پر بھڑک رہے ہیں۔ ایک لاکھ لوگ اپنے گھر بار چھوڑ چکے ہیں، اور 87،000 کو انخلا کی وارننگ دی گئی ہے۔پیرس سے بڑا علاقہ راکھ ہو گیا ہے۔ ہلاکتوں کی تعداد 24 تک پہنچ گئی ہے۔ لوٹ مار کے الزام میں گرفتار درجنوں ملزمان کے خلاف الزامات کا اعلان بعد میں کیا جائے گا۔امریکی میڈیا کے مطابق پالیسیڈس میں لگنے والی آگ پر صرف 13 فیصد اور ایٹن میں 27 فیصد آگ پر قابو پایا جا سکا ہے۔ 95 سالہ ہالی ووڈ اداکارہ ڈیلیس لاس اینجلس آگ کے شعلوں میں لپٹی ہوئی ہے۔ 95 سالہ اداکارہ کی باقیات لاس اینجلس کے شمال مشرقی علاقے الٹاڈینا میں ان کے گھر سے برآمد ہوئیں۔لاس اینجلس میں آگ بجھانے کے لیے گلابی رنگ کا کیمیکل استعمال کیا جا رہا ہے لیکن ہر حربہ ناکام ہوتا دکھائی دے رہا ہے۔ دوسری جانب آگ لگنے سے انشورنس کمپنیوں کو 30 ارب ڈالر کا نقصان ہوا ہے۔
