اردو ورلڈ کینیڈا ( ویب نیوز ) وائٹ ہاؤس کے مطابق صدر جو بائیڈن نے کیوبا کو دہشت گردی کی سرپرستی کرنے والے ریاستوں کی فہرست سے نکالنے کا فیصلہ کیا ہے۔
بائیڈن انتظامیہ کے ایک اہلکار نے صحافیوں کو بتایا کہ جائزہ مکمل ہو گیا ہے اور ہمارے پاس ایسی کوئی معلومات نہیں ہیں جو کیوبا کو دہشت گردی کے ریاستی سرپرستوں کی فہرست میں شامل کرنے کی حمایت کرتی ہو۔کیوبا نے اس اقدام کا خیرمقدم کیا اور اسے درست سمت میں ایک اہم قدم قرار دیا لیکن ساتھ ہی اس بات پر افسوس کا اظہار بھی کیا کہ وہ اب بھی 1962 سے عائد امریکی پابندیوں کا شکار ہے۔
رپورٹس کے مطابق، ڈونلڈ ٹرمپ کے دوبارہ اقتدار سنبھالنے کے بعد امریکی اقدام ممکنہ طور پر اگلے ہفتے واپس لے لیا جائے گا، جس نے 2021 میں اپنی پہلی مدت کے آخری دنوں میں کیوبا کو دہشت گردی کے ریاستی سرپرستوں کی فہرست میں شامل کیا تھا۔دوسری جانب کیوبا نے بھی امریکی اعلان کے جواب میں 533 قیدیوں کو رہا کرنے کا اعلان کیا ہے۔کیوبا کی وزارت خارجہ کے مطابق مختلف الزامات میں قید 533 قیدیوں کو رہا کیا جائے گا۔
