اردو ورلڈ کینیڈا ( ویب نیوز )برطانوی عدالت نے ساؤتھ پورٹ میں تین لڑکیوں کے قاتل کو عمر قید کی سزا سنائی ہے۔

برطانوی میڈیا کے مطابق مجرم Axel Rudakubana کو کم از کم 52 سال جیل میں گزارنا ہوں گے۔18 سالہ مجرم نے گزشتہ سال جولائی میں ساؤتھ پورٹ میں ایک ڈانس کلاس میں گھس کر تین لڑکیوں کو ہلاک اور آٹھ سے زائد بچوں کو چاقو سے زخمی کر دیا تھا۔جن بچوں پر ایکسل نے حملہ کیا ان کی عمریں 6 سے 13 سال کے درمیان تھیں۔قتل کے بعد برطانیہ بھر میں ہنگامے پھوٹ پڑے، 18 سالہ مجرم نے مقدمے کے آغاز میں 16 جرائم کا اعتراف کیا۔