اردو ورلڈ کینیڈا ( ویب نیوز ) ہزاروں ارکان کی شہادت، ہتھیاروں اور سرنگوں کی تباہی کے باوجود حماس کو ختم نہیں کیا جاسکا اور آج بھی غزہ کی مضبوط ترین جماعت ہے ۔
ایک موقر امریکی اخبار کا کہنا ہے کہ اسرائیل کے ساتھ 15 ماہ کی جنگ کے بعد فلسطینی مزاحمتی تنظیم حماس نے غزہ پر دوبارہ کنٹرول حاصل کر لیا ہے۔امریکی اخبار نیویارک کا کہنا ہے کہ جنگ بندی شروع ہوتے ہی حماس کے مسلح جنگجوؤں کا سڑکوں پر آنا اس بات کا پیغام تھا کہ ہزاروں ارکان کی شہادت، ہتھیاروں اور سرنگوں کی تباہی کے باوجود حماس کو ختم نہیں کیا جاسکا ہے ۔ غزہ میں اب بھی سب سے مضبوط جماعت ہے۔امریکی اخبار کی رپورٹ میں کہا گیا ہے کہ اسرائیلی وزیراعظم بنجمن نیتن یاہو حماس کے خاتمے کا دعویٰ کرتے رہے لیکن غزہ کے لیے کوئی متبادل پیش نہیں کر سکے۔
اقوام متحدہ کا کہنا ہے کہ غزہ میں اسرائیلی حملوں کے نتیجے میں تباہ ہونے والی عمارتوں اور دیگر انفراسٹرکچر کے ملبے کو صاف کرنے میں 21 سال لگ سکتے ہیں اور صفائی پر 12 ارب ڈالر لاگت آئے گی۔دوسری جانب عرب میڈیا رپورٹس میں کہا گیا ہے کہ اسرائیلی فوج غزہ میں جنگ بندی کی مسلسل خلاف ورزی کر رہی ہے اور گزشتہ روز اسرائیلی کواڈ کاپٹر (ڈرون) نے رفح میں ملبہ ہٹانے والے افراد پر فائرنگ کی جس کے نتیجے میں ایک فلسطینی شہید اور چار زخمی ہو گئے۔
