اردو ورلڈ کینیڈا ( ویب نیوز ) وزیر اعظم جسٹن ٹروڈو نے 2017 کے حملے کی برسی سے چند روز قبل کیوبیک سٹی کی ایک مسجد میں جاں بحق ہونے والے چھ افراد کے لواحقین سے ملاقات کی۔

واضح رہے کہ 29 جنوری 2017 کو الیگزینڈر بسونیٹ نے سینٹر کلچرل اسلامک ڈو کیوبیک میں 6 افراد کو قتل کردیا تھا، جس کی یاد میں اس سال سینٹر میں متعدد تقریبات کا انعقاد کیا جائے گا۔اس سے قبل ہفتے کی سہ پہر، کیوبیک سٹی کی مسلم کمیونٹی، سرکاری اہلکار اور دیگر متاثرین کو یاد کرنے کے لیے کیوبیک سٹی آرمری میں جمع ہوئے۔سنٹر کلچرل اسلامک ڈو کیوبیک کے صدر محمد لبیدی نے کہا کہ ہلاک اور زخمی ہونے والوں کو یاد رکھنا ضروری ہے اور ساتھ ہی اس لاپرواہی کو بھی یاد رکھنا جو ان کے قتل کا باعث بنے۔

انہوں نے کہا کہ فائرنگ کے بعد 50 سے زائد مسلمان صوبہ کیوبک سے اونٹاریو منتقل ہو گئے، لیکن اس کے بعد کمیونٹی میں تناؤ کی سطح کم ہو گئی ہے۔کیوبیک سٹی کے میئر برونو مارچینڈ نے آرموری میں ہونے والی تقریب میں اسٹیج سنبھالا اور کمیونٹی سے دشواریوں، نقصانات پر قابو پانے اور بہتر مستقبل کی امید کا اظہار کیا۔اس موقع پر کینیڈا کی نمائندہ خصوصی عامرہ الغاوبی نے بھی شرکت کی۔ انہوں نے کہا کہ کینیڈین مسلمان برسوں سے حکام کو خبردار کر رہے ہیں کہ ملک میں بڑھتی ہوئی نفرت اور اسلامو فوبیا ان کی سلامتی اور فلاح کے لیے خطرہ ہے۔