اردو ورلڈ کینیڈا ( ویب نیوز ) شاہی عدالت کی جانب سے جاری بیان میں کہا گیا ہے کہ شہزادہ محمد بن فہد بن عبدالعزیز آل سعود انتقال کر گئے ہیں۔
شاہی عدالت نے اعلان کیا کہ شہزادہ محمد بن فہد بن عبدالعزیز آل سعود کی نماز جنازہ کل بروز بدھ ظہر کی نماز کے بعد ریاض کی امام ترکی بن عبداللہ گرینڈ مسجد میں ادا کی جائے گی۔شاہی خاندان نے مرحوم کے لیے رحمت، مغفرت اور درجات کی بلندی کی دعا کی ہے۔واضح رہے کہ شہزادہ محمد بن فہد سعودی عرب کے سابق بادشاہ مرحوم فہد بن عبدالعزیز کے صاحبزادے تھے۔ وہ سعودی عرب کے مشرقی صوبے کے گورنر بھی رہے۔وزیر اعظم شہباز شریف نے شہزادہ محمد بن فہد کے انتقال پر اظہار تعزیت کیا ہے۔وزیراعظم شہباز شریف نے کہا ہے کہ شہزادہ محمد بن فہد کے انتقال کی خبر سن کر دکھ ہوا۔ شہزادہ محمد بن فہد کی سعودی عرب کے لیے شاندار خدمات کو ہمیشہ یاد رکھا جائے گا۔وزیراعظم نے سعودی شاہی خاندان کے ارکان اور سعودی عوام سے تعزیت کا اظہار کیا۔ وزیراعظم نے پاکستانی عوام کی جانب سے شاہ سلمان بن عبدالعزیز اور محمد بن سلمان سے تعزیت کا اظہار بھی کیا۔
