اردو ورلڈ کینیڈا ( ویب نیوز ) ہندوستان کے وزیر اعظم نریندر مود ی کے دورہ پیرس کےموقع پر کشمیری کمیونٹی کا شدید احتجاج۔

کشمیریوں کی بڑی تعداد سڑکوں پر نکل آئی اور نام نہاد جمہوریت کا مکروہ چہرہ بے نقاب کردیا۔فرانس کی فضا کشمیر کی آزادی کے نعروں سے گونج اٹھی۔ پیرس کی سڑکوں پر کشمیریوں نے مودی دہشت گرد، دہشت گرد کے نعرے لگائے۔احتجاجی مظاہرے کی قیادت ڈیموکریٹک فورم فرانس کے صدر آصف جرال نے کی۔ مظاہرین نے پاکستانی پرچم اور بھارت مخالف پلے کارڈز اٹھا رکھے تھے۔حریت رہنما عبدالحمید لون نے کہا کہ مقبوضہ کشمیر دنیا کی سب سے بڑی جیل میں تبدیل ہو چکا ہے۔ قابض بھارتی فوج کشمیریوں پر مسلسل مظالم ڈھا رہی ہے۔بھارتی حکومت مقبوضہ کشمیر میں انسانی حقوق کی سنگین خلاف ورزیوں کی مرتکب ہو رہی ہے اور پرامن احتجاج کو دبانے کے لیے طاقت کا بے دریغ استعمال کر رہی ہے۔