اردو ورلڈ کینیڈا ( ویب نیوز ) نیوزی لینڈ نے سیریز کے پہلے ون ڈے میں پاکستان کو 73 رنز سے شکست دے کر سیریز میں 0-1 کی برتری حاصل کر لی۔
نیپئر میں کھیلے گئے سیریز کے پہلے میچ میں قومی ٹیم 345 رنز کے ہدف کا تعاقب کرتے ہوئے 44.1 اوورز میں 271 رنز بنا کر آل آؤٹ ہو گئی۔ہدف کے تعاقب میں پاکستانی اوپنرز نے جارحانہ کھیل پیش کیا۔. اوپنرز عثمان خان اور عبداللہ شفیق نے 83 رنز کا آغاز کیا تاہم عثمان 39 رنز کے مہمان ثابت ہوئے۔. بعد ازاں عبداللہ شفیق بھی 88 کے مجموعی اسکور کے ساتھ پویلین میں واپس آئے، انہوں نے 36 رنز بنائے۔کپتان محمد رضوان اور بابر اعظم نے تیسری وکٹ کے لیے 76 رنز کی شراکت قائم کی لیکن رضوان 30 رنز بنا کر اپنی وکٹ گنوا بیٹھے۔. دیگر کھلاڑیوں میں طیب طاہر، حارث رؤف اور عاکف جاوید شامل تھے جنہوں نے ایک ایک رن بنایا جبکہ عرفان خان نیازی اور نسیم شاہ صفر پر پویلین میں واپس آئے۔نیوزی لینڈ کی جانب سے نیتھن اسمتھ نے 4 وکٹیں حاصل کیں۔
جیکب ڈفی نے 2 وکٹیں حاصل کیں، جب کہ مائیکل بریسویل اور محمد عباس نے ایک ایک وکٹ حاصل کی،پاکستان کے خلاف پہلے ون ڈے میں میزبان نیوزی لینڈ نے 50 رنز دے کر 3 وکٹیں گنوائیں۔. ول ینگ نے 1، نک کیلی نے 15 اور ہنری نکولس نے 11 رنز بنائے۔3 وکٹوں کے نقصان کے بعد ڈیرل مچل اور مارک چیپ مین نے ذمہ داری سے بیٹنگ کرتے ہوئے 199 رنز کی شراکت قائم کی۔. اس دوران مارک چیپ مین نے 132 رنز کی اننگز کھیلی جس میں 13 چوکے اور 6 چھکے شامل تھے۔. جبکہ ڈیرل مچل 76 رنز بنا کر آؤٹ ہوئے۔
اس کے علاوہ ڈیبیو کرنے والے محمد عباس نے 26 گیندوں پر 52 رنز بنائے جس میں 3 چھکے اور 3 چوکے شامل تھے۔پاکستان کی جانب سے عرفان خان نے 3 وکٹیں حاصل کیں، جب کہ حارث رؤف اور عاکف جاوید نے 2، 2 وکٹیں حاصل کیں، اور نسیم شاہ اور محمد علی نے ایک ایک وکٹ حاصل کی۔واضح رہے کہ عاکف جاوید، محمد علی اور عثمان خان پاکستان کے لیے پہلے میچ میں ڈیبیو کر رہے ہیں۔پاکستانی ٹیم میں عبداللہ شفیق، عثمان خان، بابر اعظم، محمد رضوان، سلمان علی آغا، طیب طاہر، محمد عرفان خان، نسیم شاہ، حارث رؤف، عاکف جاوید اور محمد علی شامل ہیں۔واضح رہے کہ نیوزی لینڈ نے پاکستان کو 5 میچوں کی ٹی ٹوئنٹی سیریز میں 1-4 سے شکست دی تھی۔
