اردو ورلڈ کینیڈا ( ویب نیوز ) یوکرائنی حکام کے مطابق جمعہ کو یوکرین کے صدر ولادیمیر زیلنسکی کے آبائی شہر کریوی ریح پر روسی میزائل حملے میں نو بچوں سمیت کم از کم 19 افراد ہلاک ہو گئے۔

رپورٹ میں کہا گیا ہے کہ روسی حملے میں 50 سے زائد افراد زخمی ہوئے۔یوکرین کے صدر زیلنسکی نے متاثرہ خاندانوں سے تعزیت کا اظہار کرتے ہوئے کہا کہ روسی حملے میں بچوں کے کھیل کے میدان اور چھوٹی گلیوں کو نشانہ بنایا گیا۔ ایسے حملے حادثاتی نہیں ہو سکتے۔ روس جانتا ہے کہ یہ توانائی کی سہولیات ہیں۔صدر زیلنسکی نے کہا کہ ایسی سہولیات کو کسی بھی حملے سے محفوظ رکھنا چاہیے۔دوسری جانب روسی وزارت دفاع نے ٹیلی گرام پر جاری بیان میں دعویٰ کیا ہے کہ حملے کا مقصد یوکرین اور مغربی افسران کے درمیان ہونے والی ملاقات کو نشانہ بنانا تھا۔ بیان میں کہا گیا ہے کہ یہ ایک انتہائی درست ہدف تھا، میزائل حملہ شہر کے ایک ریستوران میں یونٹ کمانڈروں اور مغربی انسٹرکٹرز کی میٹنگ کو نشانہ بنایا گیا۔