اردوورلڈ کینیڈا( ویب نیوز) ڈیرہ اسماعیل خان کے علاقے تکواڑہ میں انٹیلی جنس پر مبنی آپریشن میں سیکورٹی فورسز نے 9 فتنہ الخوارج کے دہشت گردوں کو ہلاک کر دیا۔.
پاک فوج کے محکمہ تعلقات عامہ (آئی ایس پی آر) کے مطابق آپریشن کے دوران سیکورٹی فورسز نے مؤثر طریقے سے خوارج کے ٹھکانے کو نشانہ بنایا اور فائرنگ کے شدید تبادلے میں 9 خوارج مارے گئے۔.پ
اک فوج کے ترجمان کے مطابق ہلاک ہونے والوں میں ایک انتہائی مطلوب غیر ملکی رہنما شیریں بھی شامل ہیں جبکہ مقتول خوارج سے اسلحہ اور گولہ بارود بھی برآمد کیا گیا ہے۔
آئی ایس پی آر کے مطابق ہلاک خوارج کئی دہشت گردانہ کارروائیوں میں ملوث ہونے کی وجہ سے مطلوب تھے
پاک فوج کے محکمہ تعلقات عامہ نے کہا ہے کہ آپریشن نے اس سنگین جرم کا بدلہ لے لیا ہے اور اصل مجرم اپنے انجام کو پہنچا ہے۔.آئی ایس پی آر نے کہا کہ باقی ماندہ دہشت گردوں کو ختم کرنے کے لیے علاقے میں تلاشی اور کلیئرنس کی کارروائیاں جاری ہیں۔. پاکستان کی سکیورٹی فورسز ملک سے دہشت گردی کو مکمل طور پر ختم کرنے کے لیے پرعزم ہیں۔
