اردوورلڈکینیڈا(ویب نیوز)اتوار کو نارتھ یارک میں ٹریفک اسٹاپ کے دوران پولیس افسر کی فائرنگ سے ایک شخص شدید زخمی ہوگیا۔ جس کی اونٹاریو کی پولیس واچ ڈاگ تحقیقات کر رہی ہے۔

یہ واقعہ رات 10:50 بجے کے قریب باتھرسٹ اسٹریٹ اور شیپارڈ ایونیو ویسٹ کے قریب پیش آیا۔ اسپیشل انویسٹی گیشن یونٹ کی طرف سے جاری کردہ ایک خبر کے مطابق، ٹورنٹو کے ایک پولیس افسر نے ہائی وے ٹریفک ایکٹ کی خلاف ورزی پر علاقے میں ایک کار کو روکا۔ الفاظ کا تبادلہ ہوا اور دو پولیس اہلکاروں نے فائرنگ کردی۔ جس میں ایک شخص شدید زخمی ہوگیا۔ اسے ہسپتال لے جایا گیا۔ ابھی تک اس کی شناخت نہیں ہو سکی ہے۔
جائے وقوعہ سے لی گئی تصاویر میں ایک گاڑی کی ونڈشیلڈ میں گولیوں کے متعدد سوراخ دکھائے گئے ہیں، جس کی بعد میں تفتیشی یونٹ نے تصدیق کی۔ معلومات کے مطابق روکی گئی گاڑی میں کل چھ افراد سوار تھے۔ کار کے مالک کی شناخت نہیں ہو سکی ہے۔ تحقیقات کے لیے پانچ تفتیش کار اور دو فرانزک تفتیش کار مقرر کیے گئے ہیں۔ دو سبجیکٹ افسران اور دو گواہ افسران بھی تعینات کیے گئے ہیں