اردو ورلڈ کینیڈا ( ویب نیوز ) آج ٹیکنالوجی کا دور ہے ، ہر شعبہ زندگی میں جدت آ رہی ہے نادرا نے بھی ایک موبائل ایپ تیا ر کی ہے ۔

نادرا کی موبائل ایپ پیدائش، اموات اور ازدواجی حیثیت میں تبدیلیوں کی آن لائن رجسٹریشن کے لیے تیار کی گئی ہے۔تفصیلات کے مطابق، نادرا نے ازدواجی حیثیت، پیدائش اور اموات میں ہونے والی تبدیلیوں کی آن لائن رجسٹریشن کے لیے ایک موبائل ایپ تیار کی ہے۔اس سلسلے میں نادرا کے چیئرمین لیفٹیننٹ جنرل محمد منیر افسر نے کہا کہ اس ایپ کے ذریعے شہری اپنی زندگی کے اہم واقعات کو گھر سے رجسٹر کروا سکیں گے۔انہوں نے کہا کہ موبائل ایپ سب سے پہلے پنجاب میں متعارف کرائی جائے گی جس کے لیے پنجاب کی تمام یونین کونسلوں میں بائیو میٹرک تصدیق کی سہولت فراہم کی جا رہی ہے۔چیئرمین نادرا نے کہا کہ اسلام آباد کی یونین کونسلوں میں نادرا ون ونڈو کاؤنٹر قائم کیے جا رہے ہیں۔