اردوورلڈکینیڈا ( ویب نیوز )ڈپٹی کمشنر (ڈی سی) اسلام آباد نے اتوار کو اسلام آباد کے سینٹورس مال میں آتشزدگی کے واقعہ کی تحقیقات کے لیے سات رکنی کمیٹی تشکیل دے دی۔
ایڈیشنل ڈسٹرکٹ مجسٹریٹ اسلام آباد کمیٹی کے کنوینر ہوں گے جبکہ کیپٹل ڈویلپمنٹ اتھارٹی (سی ڈی اے)، اسلام آباد کیپیٹل ٹیریٹری (آئی سی ٹی) اور دیگر متعلقہ محکموں کے افسران کمیٹی کے رکن ہوں گے۔
دوسری جانب وزیراعظم شہباز شریف نے اتوار کو اسلام آباد کے سینٹورس مال میں آتشزدگی کے واقعے کا نوٹس لیتے ہوئے وفاقی حکومت کے متعلقہ محکموں کے حکام کو مزید تباہی سے بچنے کے لیے فوری طور پر کارروائی کرنے کی ہدایت کی ہے۔
سوشل میڈیا پلیٹ فارم ٹوئٹر پر ایک ٹویٹ میں انہوں نے ممتاز کاروباری مرکز میں آتشزدگی کے واقعے پر دکھ کا اظہار کیا۔ انہوں نے مالی نقصان اٹھانے والے متاثرین سے بھی ہمدردی کا اظہار کیا۔
