اردو ورلڈ کینیڈا( ویب نیوز )اسلام آباد کی احتساب عدالت نے سابق وزیراعظم شاہد خاقان عباسی کے ناقابل ضمانت وارنٹ گرفتاری جاری کردیئے۔

اسلام آباد کی احتساب عدالت نے ایل این جی ریفرنس میں مسلم لیگ ن کے سینئر رہنما شاہد خاقان عباسی کے ناقابل ضمانت وارنٹ گرفتاری جاری کردیئے۔
احتساب عدالت کے جج ناصر جاوید نے کیس میں عدم حاضری کے باوجود استثنی کی درخواست دائر نہ کرنے پر وارنٹ گرفتاری جاری کر دیئے۔
عدالت نے شریک ملزم عظمی عادل کے ناقابل ضمانت وارنٹ گرفتاری بھی جاری کر دیئے۔
احتساب عدالت نے ایل این جی کیس میں شاہد خاقان عباسی کو آج طلب کیا تھا تاہم ان کی جانب سے ان کے وکیل عدالت میں پیش نہیں ہوئے۔