اردوورلڈ کینیڈا( ویب نیوز)وزیراعلیٰ خیبرپختونخوا علی امین گنڈا پور نے اعلان کیا کہ وہ ذاتی طور پر افغانستان سے مذاکرات کریں گے اور افغان قونصل جنرل سے بھی ملاقات کی۔
افغان قونصل جنرل حافظ محب اللہ شاکی سے ملاقات میں علی امین گنڈا پور نے کہا ہے کہ دیرپا امن کے قیام کے لیے سنجیدہ کوششیں کی جائیں۔
انہوں نے وفاقی حکومت سے جرگہ بنا کر پڑوسی ملک سے مذاکرات کرنے کا مطالبہ کیا۔
وزیراعلیٰ کے پی کے نے مزید کہا ہے کہ پاک افغان سرحد پر تجارتی سرگرمیوں کی راہ میں حائل رکاوٹیں دور کرنے کی ضرورت ہے، کے پی حکومت صوبے میں قانونی طور پر مقیم افغانیوں کے مسائل کے حل کے لیے سنجیدہ ہے۔