61
اردوورلڈ کینیڈا ( ویب نیوز )یوم فضائیہ آج ملک بھر میں قومی جوش وجذبے کے ساتھ منایا جارہا ہے ، پاک بھارت جنگ میں پاک فضائیہ نے بہادری اور بے مثال کارکردگی کے ساتھ دشمن کے حملوں کا جواب دے کر تاریخ رقم کی جس کے لیے پوری قوم آج بھی پاک فضائیہ کے شہداء اور سابق فوجیوں کو یاد کرتی ہے
1965 کی پاک بھارت جنگ میں پاک فضائیہ کے بہادر جوانوں نے جرات اور پیشہ وارانہ مہارت کا مظاہرہ کرتے ہوئے اپنا نام روشن کیا۔
6 ستمبر کو جب بھارت نے وطن عزیز پر حملہ کیا تو پاک فضائیہ نے دشمن کو منہ توڑ جواب دیا اور وطن عزیز کو ناقابل تسخیر بنا دیا۔
ائیر مارشل اصغر خان اور ائیر مارشل نور خان جیسے قابل فخر جانشینوں اور کمانڈروں نے کامیاب جنگی حکمت عملی اپنائی، سکواڈرن لیڈر ایم ایم عالم کے ایکشن نے ایک منٹ سے بھی کم وقت میں دشمن کے پانچ طیاروں کو مار گرایا۔
دوسری طرف سکواڈرن لیڈر سر فراز رفیقی اور سکواڈرن لیڈر منیر الدین اور علاؤالدین جیسے شہداء نے بھی ثابت کر دیا کہ وطن کی حرمت کے لیے جانیں قربان کرنا کوئی مہنگا سودا نہیں ہے۔
ستمبر 65 کی جنگ میں پاک فضائیہ کے بہادر جوانوں نے جو جرات، بہادری اور بہادری کی داستانیں رقم کیں وہ پوری قوم کا فخر ہیں۔
