انہوں نے کہا کہ مقبوضہ کشمیر کے عوام مظالم کا شکار ہیں اور اس مسئلے کو آج بین الاقوامی سطح پر پیش کریں گے، حکومتیں خواہ کوئی بھی ہوں، وہ بین الاقوامی سطح پر مسئلہ کشمیر پر اپنا موقف پیش کرتے رہیں۔انوار الحق کاکڑ نے کہا کہ بھارت کشمیر پر ظلم کر رہا ہے اور اب کینیڈا میں بھی کارروائیاں کر رہا ہے۔ خالصتان تحریک کے رہنما کو بھارتی ایجنٹوں نے کینیڈا کی سرزمین پر قتل کر دیا۔
یہ بھی پڑھیں
نگران وزیراعظم انوارالحق کاکڑ آج اقوام متحدہ کی جنرل اسمبلی سے خطاب کریں گے
بھارت میں بڑھتی ہوئی انتہا پسندی خطے کے امن کے لیے خطرہ ہے، ہندوتوا نظریہ دنیا کو جنگ اور آگ میں جھونک سکتا ہے۔ملک میں بجلی کے زیادہ بلوں سے متعلق سوال پر انہوں نے کہا کہ آئی ایم ایف نے ہمارے اقدامات پر اطمینان کا اظہار کیا ہے، ہم توانائی کے شعبے میں اصلاحات لا رہے ہیں، ہمیں امید ہے کہ آنے والے دنوں میں بجلی کے بل زیادہ نہیں ہوں گے۔ آئی پی پیز کے ساتھ معاہدے ایسے ہیں کہ بجلی پیدا ہو یا نہ ہو، ادائیگی کرنی ہوتی ہے۔
انہوں نے کہا کہ ہم سمگلنگ کی روک تھام کے لیے عملی اقدامات کر رہے ہیں، معیشت کی بہتری کے لیے تمام اقدامات کر رہے ہیں اور آئی ایم ایف ہمارے اقدامات سے مطمئن ہے، پسماندہ افراد کی فلاح و بہبود ہماری ترجیح ہے، غریبوں کو ریلیف دینا ہے۔ امیر اپنا کردار ادا کریں۔نگراں وزیراعظم نے مزید کہا کہ آج اقوام متحدہ کے اجلاس میں موسمیاتی تبدیلی اور اسلامو فوبیا پر بات کی جائے گی۔
