214

اردو ورلڈ کینیڈا ( ویب نیوز ) ایپل نے آئی فونز کے لیے نیا آپریٹنگ سسٹم iOS 17 متعارف کرا دیا ہے۔

iOS 17 کا اعلان کمپنی کی سالانہ ڈویلپر کانفرنس میں کیا گیا۔یہ نیا آپریٹنگ سسٹم ستمبر میں آئی فون کے مختلف ماڈلز کے لیے دستیاب ہوگا۔اس نئے آپریٹنگ سسٹم کو چلانے والے آئی فونز فیس ٹائم کالز کے دوران ویڈیو وائس میل بھیج سکیں گے۔

اسی طرح ایک نیا فیچر Name Drop متعارف کرایا جا رہا ہے جس سے صارفین 2 قریبی آئی فونز کے ساتھ رابطے کی تفصیلات شیئر کر سکیں گے۔iOS 17 ڈیجیٹل اسسٹنٹ سری کے استعمال کے عمل کو بھی آسان بناتا ہے۔کمپنی نئے آپریٹنگ سسٹم میں آٹو کریکٹ الگورتھم کو بھی بہتر کر رہی ہے جبکہ ایک نیا فیچر بھی متعارف کرایا جا رہا ہے جس کا نام کانٹیکٹ پوسٹر ہے، جس کی مدد سے آپ پروفائل پکچرز اور دیگر چیزوں کی مدد سے کانٹیکٹ پوسٹرز بنا سکتے ہیں۔

یہ بھی پڑھیں

ایپل کو آئی فونز میں اردو نستعلیق شامل کرنے پر کس نے راضی کیا ؟

iOS 17 اسٹینڈ بائی موڈ اور ایک نئی جرنل ایپ بھی شامل کر رہا ہے۔آئی فون پر تصاویر، کیلنڈر، گھڑی اور دیگر کو اسٹینڈ بائی موڈ میں ڈیوائس کو چھوئے بغیر دیکھنا ممکن ہوگا۔یہ نیا آپریٹنگ سسٹم ڈویلپرز کے لیے (بیٹا)ورژن میں دستیاب ہے جب کہ عوام کو اس تک رسائی کے لیے انتظار کرنا پڑے گا۔