ishtiaq ahmed 
ارد و کینیڈا ( ویب نیوز)چیف آف آرمی سٹاف جنرل قمر جاوید باجوہ سرکاری دورے پر برطانیہ پہنچ گئے ۔
آرمی چیف رائل ملٹری اکیڈمی، سینڈہرسٹ میں پاسنگ آؤٹ پریڈ میں بطور مہمان خصوصی شرکت کریں گے۔
جنرل باجوہ دورے کے دوران برطانیہ کی عسکری قیادت سے بھی ملاقاتیں کریں گے۔
برطانیہ روانگی سے قبل جنرل باجوہ نے عراقی بحریہ کے کمانڈر لیفٹیننٹ جنرل احمد جاسم معارج عبداللہ الزاید سے ملاقات کی۔
آئی ایس پی آر کے مطابق، ملاقات کے دوران، آرمی چیف نے دہشت گردی کو ایک "عالمی خطرہ” قرار دیا
فوج کے میڈیا ونگ نے کہا کہ حکام نے باہمی دلچسپی کے امور، علاقائی سلامتی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال کیا۔
لیفٹیننٹ جنرل الزید نے پاکستان کی مسلح افواج کی پیشہ وارانہ مہارت کا اعتراف کیا اور بلوچستان میں ہیلی کاپٹر کے حادثے کے دوران قیمتی جانوں کے ضیاع پر تعزیت کا اظہار کیا۔
انہوں نے علاقائی استحکام میں پاکستان کے کردار کو بھی سراہا اور دونوں افواج کے درمیان فوجی تعاون بڑھانے کا عہد بھی کیا۔
