اردو ورلڈ کینیڈا ( ویب نیوز )وزیراعظم شہباز شریف سے آرمی چیف جنرل قمر جاوید باجوہ نے ملاقات کی۔
ذرائع کے مطابق وزیراعظم شہباز شریف اور آرمی چیف جنرل قمر جاوید باجوہ کے درمیان ملاقات میں ملک کی موجودہ اندرونی و بیرونی سیکیورٹی صورتحال پر تبادلہ خیال کیا گیا۔
ذرائع کا کہنا ہے کہ ملاقات میں پاک فوج کے پیشہ وارانہ امور پر بھی تبادلہ خیال کیا گیا۔
موجودہ ملکی حالات میں دوبڑوں کی ملاقات انتہائی اہم تصور کی جارہی ہے جہاں ایک طرف ملک بحرانی کیفیت کا شکار ہے مہنگائی کا جن قابو سے باہر ہوتا جارہا ہے لوڈشیڈنگ میں بھی اضافہ ہورہا جبکہ سب سے بڑا صوبہ پنجاب بھی سیاسی بحران کا شکار ہے ایسے میں وزیر اعظم اور آرمی چیف کی ملاقات میں یقینا تمام امور پر تبادلہ خیال کیا گیا ہے اور ملک کو بہتری کی طرف لاجانے اور خاص کرروس سے تیل خریدنے کے حوالے سے بھی اہم مشاورت ہوئی ہوگی ۔وزیر اعظم اور آرمی چیف کی ملاقات عام حالات میں معمول کی بات تصور کی جاتی ہے تاہم ملک کی موجودہ صورتحال کے حوالے سے اس مشاورت کو سیاسی حلقے انتہائی اہم قرار دے رہے ہیں۔
