اردو ورلڈ کینیڈا ( ویب نیوز ) پاکستانی کھلاڑی محمد عاصم خان نے شارلٹس ول اوپن اسکواش چیمپئن شپ 2024 کا ٹائٹل جیت لیا۔
امریکی ریاست ورجینیا میں جاری ایونٹ کے فائنل میں عاصم خان نے انگلینڈ کے ٹاپ سیڈ نک وال کو 65 منٹ تک جاری رہنے والے سخت مقابلے میں 3-1 سے شکست دی۔پاکستانی کھلاڑی نے پہلا گیم 12-14 سے ہارا لیکن پھر زبردست واپسی کرتے ہوئے اگلے تین گیمز 12-10، 11-5 اور 11-6 سے جیت کر ٹائٹل اپنے نام کیا۔اس فتح کے ساتھ ہی عاصم خان کو 500 رینکنگ پوائنٹس بھی مل گئے، جس سے انہیں اپنی عالمی رینکنگ میں مزید بہتری لانے میں مدد ملے گی، یہ عاصم خان کے کیریئر کا پہلا ورلڈ ٹور ٹائٹل ہے۔