بلاول بھٹو کی یواین اسمبلی کے صدر سے ملاقات، کشمیر ، فلسطین میں مظالم کے حوالے سے گفتگو

166

 

اردو ورلڈ کینیڈا ( ویب نیوز)وزیرخارجہ بلاول بھٹو زرداری نے اقوام متحدہ کی جنرل اسمبلی کے صدر قصابہ کروسی سے ملاقات کی، جس میں باہمی دلچسپی کے امور پر تبادلہ خیال کیا گیا۔

ملاقات میں وزیر خارجہ بلاول بھٹو زرداری نے پاکستان کی شرکت سے اسلام فوبیا سے متعلق تقریب پر بھی تبادلہ خیال کیا۔

وزیر خارجہ بلاول بھٹو زرداری اقوام متحدہ کی جنرل اسمبلی کے صدر کے ہمراہ اسلامی تعاون تنظیم کی وزارتی کونسل کے صدر کی حیثیت سے اسلامو فوبیا کے خلاف عالمی دن کے موقع پر تقریب کا اہتمام کر رہے ہیں۔

ملاقات کے دوران دونوں رہنماؤں نے آئندہ اقوام متحدہ کی آبی کانفرنس 2023 پر بھی تبادلہ خیال کیا۔وزیر خارجہ نے یو این جی اے کے صدر کو پاکستان کے مکمل تعاون کی یقین دہانی کرائی۔

یاد رہے کہ آبی کانفرنس 22 مارچ سے نیویارک میں اقوام متحدہ کے ہیڈ کوارٹر میں ہوگی۔

دوسری جانب ترجمان وزارت خارجہ ممتاز زہرہ بلوچ کا کہنا ہے کہ وزیر خارجہ بلاول بھٹو زرداری امریکا کے اہم دورے پر ہیں، انہوں نے اقوام متحدہ میں فلسطین اور کشمیر کے مظالم پر بات کی ہے۔