ishtiaq ahmed 
اردو ورلڈ کینیڈا ( ویب نیوز )برطانوی وزیراعظم بورس جانسن نے استعفی دے دیا بورس جانسن نے ملک میں سیاسی بحران میں اضافے کے بعد کنزرویٹو پارٹی کی قیادت اور وزیر اعظم کے دفتر سے مستعفی ہونے کا اعلان کر دیا ہے۔
بورس جانسن نے لندن میں پریس کانفرنس کے دوران اپنے استعفے کی تصدیق کرتے ہوئے کہا کہ نئے سربراہ کے انتخاب کا عمل اب شروع ہونا چاہیے۔
انہوں نے کہا کہ اب یہ واضح ہو گیا ہے کہ کنزرویٹو پارلیمانی پارٹی کو نئے لیڈر کا انتخاب کرنا ہو گا تاکہ نئے وزیر اعظم کا انتخاب کیا جا سکے۔
انہوں نے کہا کہ میں نے نئی کابینہ اس لیے بنائی ہے کہ جب تک نیا وزیر اعظم منتخب نہیں ہو جاتا میں کام کرتا رہوں گا۔
تحریر جاری ہے۔
کنزرویٹو کے ڈپٹی چیئرمین جسٹن ٹام لنسن نے ٹوئٹر پر کہا کہ ان کا استعفی ناگزیر ہے، انہوں نے مزید کہا کہ بطور پارٹی ہمیں متحد ہونے اور مسائل پر توجہ دینے کی ضرورت ہے۔
