ابتدائی اطلاعات کے مطابق بھارت کی جانب سے کینیڈا کو اپنے 41 سفارت کاروں کو واپس بلانے کو کہا گیا تھا تاہم ذرائع کی جانب سے دی گئی معلومات کے مطابق بھارت دونوں ممالک کے سفارت کاروں کی تعداد برابر کرنا چاہتا ہے۔ دریں اثنا، یہ بھی معلوم ہوا ہے کہ ہندوستان میں دہلی سے باہر کام کرنے والے کینیڈین سفارت کاروں کو کینیڈا نے یا تو کوالالمپور یا سنگاپور بھیجا ہے۔

گلوبل افیئرز کینیڈا نے پہلے کہا تھا کہ ہندوستان میں بہت سے کینیڈین سفارت کاروں کو سوشل میڈیا کے مختلف پلیٹ فارمز پر دھمکیاں مل رہی ہیں اور اس لیے اضافی عملے کو احتیاط کے طور پر جلد سے جلد نکالا جا رہا ہے۔ یہ بھی کہا گیا کہ ہندوستان سے عملے کو عارضی طور پر سائیڈ لائن کیا جا رہا ہے۔