اردو ورلڈ کینیڈا ( ویب نیوز ) وفاقی انتخابات میں ایڈوانس ووٹنگ کے چار دنوں میں سے پہلے روز 20 لاکھ افراد نے ووٹ ڈالے۔

الیکشنز کینیڈا نے ایک سوشل میڈیا پوسٹ میں کہا ہے کہ وہ آنے والے دنوں میںمزید بہتر انتظامات کریں گے ، پولنگ اسٹیشز پر موجود متعدد ووٹر ز نے ان سے ملاقات کی ۔2021 کے آخری وفاقی انتخابات میں تقریباً 5.8 ملین ووٹرز ایڈوانس پولز کے لیے نکلے، جو 2019 کے اعداد و شمار سے 18 فیصد زیادہ تھے۔اس سال کے چار ایڈوانس ووٹنگ کے دن اپریل کے طویل ویک اینڈ میں آتے ہیں ۔الیکشن کے دن سے صرف ایک ہفتہ باقی رہ جانے کے بعد، لبرل لیڈر مارک کارنی اور این ڈی پی لیڈر جگمیت سنگھ نے ہفتے کے روز دستاویزات شائع کیں جن میں ان کی مہم کے مکمل وعدوں کا خاکہ پیش کیا گیا اور وہ کہتے ہیں کہ ان پر کیا لاگت آئے گی۔کنزرویٹو لیڈر پیئر پوئیلیور، جو ہفتے کے روز رچمنڈ، بی سی میں انتخابی مہم چلا رہے تھے نے کہا کہ ان کا مکمل منشو ر جلد آ جائے گا، لیکن کہا کہ اس کا "95 فیصد” پہلے ہی اعلان کیا جا چکا ہے۔پیشگی پولنگ پیر تک مقامی وقت کے مطابق صبح 9 بجے سے رات 9 بجے تک جاری رہے گی۔