اردو ورلڈ کینیڈا ( ویب نیوز)لاہور ہائیکورٹ میں چیئرمین تحریک انصاف عمران خان کے خلاف توہین عدالت کی درخواستیں دائر کر دی گئیں۔
لاہور ہائیکورٹ میں دائر درخواستوں میں درخواست گزاروں نے عمران خان کو فریق بنایا ہے

۔
درخواست میں مزید کہا گیا ہے کہ عمران خان لاہور ہائی کورٹ اور اسلام آباد میں پیشی پر جتھوں کے ساتھ عدالتوں میں پیش ہوئے، سرکاری عمارتوں کو نقصان پہنچایا
درخواست میں مزید موقف اختیار کیا گیا کہ اسلام آباد کے جوڈیشل کمپلیکس پر منصوبہ بند حملہ کیا گیا، جس کا ماسٹر مائنڈ عمران خان تھا۔
عمران خان نے عدلیہ پر دباؤ ڈالنے کے لیے کارکنوں کو جوڈیشل کمپلیکس میں بلایا، لہٰذا لاہور ہائیکورٹ عمران خان سے جواب طلبی کر
واضح رہے کہ 28 فروری کو 4 مقدمات میں پیشی کے لیے زمان پارک لاہور سے روانہ ہونے والے چیئرمین تحریک انصاف عمران خان قافلے کے ہمراہ اسلام آباد کے جوڈیشل کمپلیکس پہنچے تھے۔