اردو ورلڈ کینیڈا ( ویب نیوز)اسلام آباد میں بلدیاتی انتخابات کے لیے پولنگ صبح 8 بجے شروع ہونی تھی تاہم الیکشن کمیشن کا عملہ متعلقہ پولنگ اسٹیشنز تک نہ پہنچ سکا۔

اسلام آباد میں کل بلدیاتی الیکشن کرائیں، اسلام آباد ہائیکورٹ کا حکم

سید پور گاؤں یونین کونسل 1 میں ووٹرز پولنگ کے لیے پہنچ گئے۔ پولنگ اسٹیشن کے گیٹ بند ہونے اور عملہ نہ ہونے کی وجہ سے ووٹرز احتجاج کے طور پر قطاروں میں کھڑے رہے۔ یونین کونسل 37 میں بھی ووٹرز نے ووٹ ڈالنے کے خلاف شدید احتجاج کیا۔
گزشتہ روز اسلام آباد ہائی کورٹ نے وفاقی دارالحکومت میں آج بلدیاتی انتخابات کرانے کا حکم دیا تھا۔ وفاقی حکومت نے اسلام آباد بلدیاتی انتخابات کے لیے فوری سیکیورٹی انتظامات سے معذرت کرلی تھی جب کہ الیکشن کمیشن کے ذرائع نے بھی 31 دسمبر کو انتخابات کا انعقاد ناممکن قرار دیا تھا۔

حکومت کی سکیورٹی دینے سے معذرت،اسلام آباد میں آج بلدیاتی الیکشن ناممکن