اردو ورلڈ کینیڈا ( ویب نیوز ) آج جہاں مہنگائی اور بے روزگاری اپنے عروج پر ہے ایسے میں ایک کمپنی نے ایسی ملازمت کی پیش کی ہے جس میں آپ کو کچھ کرنا بھی نہیں پڑے گا اور اڑھائی لاکھ روپے بھی ملیں گے
جی ہاں ، اگر آپ بغیر کچھ کیے ڈھائی لاکھ روپے سے زیادہ کمانا چاہتے ہیں تو آپ کو تحقیقی کمپنی کی پیشکش ضرور پسند آئے گی۔مذکورہ کمپنی رات کو پنیر کھانے کے بدلے میں ایک ہزار ڈالر (268 ہزار پاکستانی روپے سے زائد) دے گی۔
یہ بھی پڑھیں
پالتو مچھلی نے مالک کی رقم سے آن لائن خریداری کر ڈالی, دلچسپ واقعہ
سلیپ جنکی نامی ایک امریکی تحقیقی کمپنی مطالعے کے لیے رضاکاروں کی تلاش میں ہے۔بنیادی طور پر یہ ایک ایسا کام ہے جس کے لیے چند لوگوں کا انتخاب کیا جائے گا جن کا کام اوپر درج ہے۔اس تحقیق کا مقصد اس پرانی روایت کی حقیقت جاننا ہے کہ رات کو سونے سے پہلے پنیر کھانے سے واقعی ڈراؤنے خواب آتے ہیں۔ اس نوکری کے لیے ویب سائٹ نے وضاحت کے ساتھ امیدواروں کے لیے فارم بھی دیا ہے۔
یہ بھی پڑھیں
کیا آپ جانتے ہیں انسانی تاریخ کا طویل ترین سال کونسا ہے ؟
تفصیل کے مطابق ‘ایک بار منتخب ہونے کے بعد ہمارے ماہرین ہر ہفتے کھانے کے لیے مختلف قسم کے پنیر کی فہرست فراہم کریں گے ۔یہ رضاکار، جو پنیر کے ذریعے سوتے ہیں، جاگنے کے بعد اپنے خواب لکھیں گے، جبکہ اپنی نیند کے مجموعی معیار کے بارے میں بھی رپورٹ کریں گے۔یہ تحقیق مارچ سے شروع ہوگی اور اس کی مدت 3 ماہ ہے۔تحقیق کے اختتام پر رضاکاروں کو مفت پنیر کے ساتھ ساتھ $1,000 بھی دیے جائیں گے۔
مزید پڑھیں
خاتون کے بیگ سے شکار کو باندھ کر مارنے والا سانپ برآمد
رضاکاروں کے انتخاب کے لیے بھی کچھ معیارات ہیں، جیسے کہ ہر فرد کی عمر کم از کم 21 سال ہونی چاہیے، تنہا سونا، نیند کے شیڈول پر عمل کرنا، اور اسمارٹ واچ یا فٹنس ٹریکر کا مالک ہونا چاہیے۔بدقسمتی سے یہ پیشکش صرف امریکی شہریوں کے لیے ہے۔نیند کے مسائل یا دودھ سے الرجی والے افراد کو منتخب نہیں کیا جائے گا۔
