ذرائع کے مطابق الیکشن کمیشن نے مختلف اضلاع میں ریجنل الیکشن کمشنرز، ڈسٹرکٹ الیکشن کمشنرز کے دفاتر سے ای ایم ایس کا ٹیسٹ کیا ہے۔ ای ایم ایس سسٹم کو جدید تقاضوں کو مدنظر رکھتے ہوئے تیار کیا گیا ہے۔
نتائج آن لائن اور آف لائن ای ایم ایس کے ذریعے بھیجے جاسکتے ہیں، پریزائیڈنگ افسران اپنے پولنگ اسٹیشنز کے نتائج ریٹرننگ افسران کو بھیجیں گے، ریٹرننگ افسران نتائج تیار کرکے ڈیجیٹل اور مینوئل طریقے سے الیکشن کمیشن کو بھیجیں گے، ہر ریٹرننگ افسر کو چار ڈیٹا انٹری آپریٹرز فراہم کیے جائیں گے۔
الیکشن کمیشن نے ڈیٹا انٹری آپریٹرز کو ٹریننگ بھی دے دی ہے، الیکشن کمیشن اور نادرا کے درمیان سرور ہوسٹنگ کا معاہدہ بھی طے پا گیا ہے۔
ذرائع کے مطابق الیکشن کمیشن کے پاس ڈیٹا ذخیرہ کرنے کے لیے اپنا سرور نہیں، الیکشن کمیشن عام انتخابات کے لیے نادرا کے سرور کا سہارا لے گا، نادرا کے سرور کی میزبانی کا کرایہ الیکشن کمیشن ادا کرے گا۔
