ishtiaq ahmed 
کراچی کے عوام کے لیے بجلی 11 روپے 37 پیسے فی یونٹ مہنگی کرنے کی منظوری دے دی گئی۔
کے الیکٹرک کی جانب سے فی یونٹ بجلی کی قیمت بڑھانے کی نیپرا کی درخواست پر سماعت چیئرمین نیپرا توصیف ایچ فاروقی کی زیر صدارت ہوئی۔
کے الیکٹرک حکام کا کہنا ہے کہ بجلی کی قیمت میں اضافہ جون کی ماہانہ فیول ایڈجسٹمنٹ کی مد میں کیا گیا ہے، فرنس آئل سے بجلی کی پیداوار گزشتہ ماہ میں بڑھائی گئی، قیمتوں میں اضافہ پیداوار میں اضافے کے باعث ہوا۔
چیئرمین نیپرا نے کہا کہ ہم یہاں انصاف کرنے بیٹھے ہیں، آپ پراجیکٹ کی لاگت پر اتھارٹی کے ساتھ بیٹھیں، گیس پریشر کم ہونے سے 3 پلانٹس سے بجلی کی پیداوار مہنگی ہوگئی، گیس پریشر میں کمی سے 645 ملین کا اثر پڑا۔ .
کے الیکٹرک حکام نے کہا کہ گیس کی روانی دستیاب نہیں
چیئرمین نیپرا نے کہا کہ ہماری ٹیم کراچی جاتی ہے تو آپ کے تمام پلانٹ چلنے لگتے ہیں، بن قاسم پاور پلانٹ اصولی طور پر 2019 میں بند ہونا چاہیے تھا۔
نیپرا حکام کا کہنا تھا کہ کے الیکٹرک کی جانب سے 11 روپے 39 پیسے کی درخواست، کے الیکٹرک کے اعداد و شمار چیک کرنے پر 11 روپے 37 پیسے بنتے ہیں۔
