بھارتی دہشت گرد ثنا الاسلام کو 29 فروری کو افغانستان کے شہر قندھار سے گرفتار کیا گیا تھا۔ بھارتی دہشت گرد کا تعلق کیرالہ سے ہے اور وہ تاجکستان کے راستے افغانستان میں داخل ہوا تھا۔ثنا الاسلام نے اعتراف کیا کہ وہ ہندوستانی افسران کے حکم پر افغانستان آیا اور کہا کہ ہندوستانی افسران نے افغانستان میں داعش کے نمائندوں سے ملاقات کا حکم دیا تھا۔افغانستان کی انٹیلی جنس ایجنسی نے ثنا الاسلام کو داعش سے رابطے کے جرم میں گرفتار کیا ہے اور اس نے داعش سے اپنے روابط کا اعتراف بھی کیا ہے۔ 2016 میں ایک ہندوستانی خاتون کو بھی داعش کے لیے کام کرنے پر گرفتار کیا گیا تھا۔ نومبر 2019 میں، ننگرہار سے داعش کے لیے کام کرنے والی 10 ہندوستانی خواتین کو گرفتار کیا گیا۔