ishtiaq ahmed 
اردو ورلڈ کینیڈا ( ویب نیوز )تحقیقاتی ادارے نے فارن کرنسی اکائونٹس کی تفصیلات بھی مانگ لی ہیں۔
ایف آئی اے نے چیئرمین پاکستان تحریک انصاف عمران خان کو خط لکھ کر پارٹی فنڈز اور اکانٹس کی تفصیلات طلب کر لیں۔
وفاقی تحقیقاتی ادارے نے خط میں عمران خان سے کہا ہے کہ وہ 1996 سے پارٹی کی قومی اور بین الاقوامی سطح پر رجسٹرڈ تنظیموں کا ریکارڈ پیش کریں۔
تحقیقاتی ادارے نے غیر ملکی کرنسی اکانٹس اور غیر ملکی عطیہ دہندگان سے ملنے والی رقوم کی تفصیلات بھی طلب کر لی ہیں۔
ایف آئی اے نے کہا ہے کہ پارٹی دو ہفتوں میں پارٹی فنڈز کی آڈٹ رپورٹ جمع کرائے اور پارٹی کے ڈونرز کے ناموں اور پی ٹی آئی کو دی گئی جائیدادوں کی فہرست بھی پیش کرے۔
تمام عہدے داروں کے نام اور ان کی قومیت بھی جمع کرائی جائے۔ ایف آئی اے نے اپنے خط میں کہا کہ 1996 سے لے کر 2022 تک پارٹی کا تمام ریکارڈ جمع کرایا جائے گا۔
اس مہینے کے شروع میں ای سی پی نے اپنے فیصلے میں کہا تھا کہ پی ٹی آئی کے خلاف ممنوعہ فنڈنگ ثابت ہو گئی ہے اور فیصلہ دیا گیا ہے کہ پارٹی کو بزنس ٹائیکون عارف نقوی اور 34 غیر ملکی شہریوں سے فنڈز موصول ہوئے۔
