اردو ورلڈ کینیڈا ( ویب نیوز)سیاسی جماعتوں کے درمیان مذاکرات کے معاملے پر حکومت کی جانب سے نامزد کردہ نمائندوں نے باضابطہ مذاکرات کے لیے تحریک انصاف سے رابطہ کیا ہے۔

ذرائع کے مطابق پی ٹی آئی سے بات کرنے کے لیے حکومت کی جانب سے نامزد کردہ سردار ایاز صادق، خواجہ سعد رفیق اور دیگر رہنماؤں نے سابق سپیکر اسد قیصر سے رابطہ کیا اور کہا کہ ہم آپ سے باضابطہ بات چیت کے لیے رابطہ کر رہے ہیں۔ .
اسد قیصر نے پارٹی سیکرٹری جنرل اسد عمر کو حکومتی نمائندوں کے رابطے کے حوالے سے پیش رفت سے آگاہ کیا۔ اسد عمر نے اس حوالے سے کہا کہ رابطہ اچھی چیز ہے، سپریم کورٹ میں سماعت کے دوران حکومتی نمائندے اس پیش رفت سے آگاہ کریں۔
ذرائع کے مطابق پی ٹی آئی اور حکومتی نمائندوں کی ملاقات کب ہوگی، ابھی تک کچھ طے نہیں ہوا۔ حکمران اتحاد نے ابھی تک پی ٹی آئی قیادت سے ملاقات کی تاریخ اور وقت طے نہیں کیا۔