حکومت توہین عدالت اور آرٹیکل چھ کے ریڈارپرآسکتی ہے،شیخ رشید

اردوورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ حکومت عدالت میں پائوں پکڑتی ہے جبکہ میڈیا کے سامنے ٹارزن بنتی ہے

سوشل میڈیا ویب سائٹ ٹوئٹر پر اپنے پیغام میں سابق وفاقی وزیر داخلہ شیخ رشید کا کہنا تھا کہ حکمران اپنا سامان سمیٹ لیں، گاڑی مس ہونے والی ہے، پوری قوم عدلیہ کے ساتھ کھڑی ہے، عید کے بعد بڑی خبر آسکتی ہے، صوبائی انتخابات 14 مئی کو ہوں گے۔
توہین عدالت کی نااہلی میں حکومت آرٹیکل 6 کے ریڈار میں آسکتی ہے۔ سپریم کورٹ نے کہا ہے کہ سپلیمنٹری گرانٹ کو مسترد کیا جائے۔

شیخ رشید نے کہا کہ حکومت نااہلی، عدم اعتماد اور توہین عدالت میں آرٹیکل 6 کے ریڈار میں آسکتی ہے۔ پرچم بلند ہے، عدلیہ کی جیت ہوگی۔۔

سابق وزیر داخلہ نے کہا کہ نواز شریف اور شہباز شریف کی کال کے بعد فضل الرحمان نے تشدد اور دہشت گردی پر کانفرنس کی، مندر ہتھوڑا، بندوق کی نوک اور گینگ آف تھری سیاستدانوں کیلئے ایسے الفاظ استعمال کرنا مناسب نہیں ،یہ مذاکرات نہیں بلکہ عدلیہ سے کھلی جنگ چاہتے ہیں۔ چیمبر میں اور عدالت میں پاؤں پڑ جاتے ہیں جبکہ میڈیا کے سامنے ٹارزن ہوتے ہیں۔
ان کا کہنا تھا کہ آئی ایم ایف کے عملے کی سطح کا معاہدہ نامنظور ہو چکا ہے۔ سعودی عرب، متحدہ عرب امارات کی امداد اور امریکی یقین دہانیاں بھی ناکام ہوئیں

ہمیں فالو کریں

[uw_related_posts]