انہوں نے کہا کہ ہمارے درمیان یہ رشتہ کئی دہائیوں سے چل رہا ہے، نواز شریف نے کبھی آپ کو دھوکہ نہیں دیا اور آپ نے کبھی نواز شریف کو دھوکہ نہیں دیا۔ مجھے جیلوں میں ڈالا گیا، جلاوطن کیا گیا، مجھ پر جھوٹے مقدمات بنائے گئے پارٹی رہنمائوں پر مقدمات بنے لیکن کسی نے ن لیگ کا جھنڈا ہاتھ سے نہیں چھوڑا۔
نواز شریف نے کہا کہ کون ہے جو آپ کو اور ہمیں الگ کرتا ہے، ہم نے پاکستان کی خدمت کی اور ملک کو ایٹمی طاقت بنایا، لوڈشیڈنگ ختم کی اور عوام بجلی سے محروم رہے، نواز شریف نے بجلی مہنگی نہیں کی بلکہ سستے داموں عوام تک پہنچائی۔ ‘
انہوں نے کہا کہ اتنی بڑی تعداد میں لوگوں کو دیکھ کر وہ اپنے تمام دکھ درد بھول گیا اور انہیں یاد کرنا بھی نہیں چاہتا ۔ دولت واپس آ جاتی ہے مگر پیار کرنے والے واپس نہیں آتے۔
چیف آرگنائزر مسلم لیگ ن مریم نوازشریف کی قیادت میں ایک بہت بڑا قافلہ جاتی امراء سے مینار پاکستان کیلیے روانہ#خوش_آمدید_نوازشریف#TheEraOfNawazSharif pic.twitter.com/605kzgF04Y
— PMLN (@pmln_org) October 21, 2023
نواز شریف کا کہنا تھا کہ ‘میری والدہ اور اہلیہ سیاست کی نذر ہوچکی ہیں، وہ مجھ سے دوبارہ نہیں ملیں گی اور یہ ایسا زخم ہے جو کبھی نہیں بھرے گا۔ میں نے بار بار جیل سپرنٹنڈنٹ سے اپیل کی کہ وہ مجھے لندن میں اپنے بیٹوں سے بات کرنے دیں لیکن ایسا نہیں ہوا جبکہ ان کے پاس موبائل اور لینڈ لائن فون بھی تھا لیکن جیلر نے انکار کرتے ہوئے کہا کہ ہمیں اجازت نہیں ہے۔ ڈھائی گھنٹے کے بعد جیلر کے ماتحت ملازم نے آکر بتایا کہ کلثوم اب اللہ کو پیاری ہوگئی ہیں اور اب ہم مریم کو اطلاع دیں گے۔
لیگی رہنما نے کہا کہ میں نے انہیں مریم کو بتانے سے روکا اور کہا کہ یا تو مجھے لے جائیں یا میرے پاس لے آئیںبتایا تو وہ بے ہوش ہو گئی اور پھر گلے لگا کر رونے لگی۔
نواز شریف نے کہا کہ ‘میں سمجھتا تھا کہ یہ ہمارا ملک ہے، میں اسی مٹی سے پیدا ہوا ہوں اور پاکستان کی محبت میرے سینے میں بھی ہے
نواز شریف کی جلسہ گاہ آمد پرمریم نواز آبدیدہ ہو گئیں#ExpressNews #BreakingNews #NawazSharif #MaryamNawaz pic.twitter.com/4PwL2KZD6s
— Express News (@ExpressNewsPK) October 21, 2023
انہوں نے کہا کہ وزارت خارجہ میں سارا ریکارڈ موجود ہو گا کہ امریکہ نے ایٹمی دھماکے روکنے کے لیے پانچ ارب ڈالر کی پیشکش کی لیکن میں نے ٹھکرا دی اور آج ہم ایک ارب ڈالر کی بھیک مانگ رہے ہیں۔ مجھےامریکہ کے سامنے کھڑے ہونے کی سزا دی گئی اور حکومت سے نکال دیا گیا کیونکہ نواز شریف اپنے وطن کی مٹی سے بنے سچے پاکستانی ہیں جو اصولوں پر کھڑے ہیں۔
اس موقع پر نواز شریف نے بجلی، ڈالر، پیٹرول اور روٹی کی قیمت کا اپنے دور حکومت سے موازنہ کرتے ہوئے کہا کہ مجھے اس لیے نکالا گیا کہ ہم نے چار روپے میں روٹی رکھی، پیٹرول اور ڈالر کی قیمت نہیں بڑھنے دی، ملک یہ ترقی کر رہا تھا لیکن کسی کو اچھا نہیں لگ رہا تھا۔
انہوں نے دعویٰ کیا کہ وزیراعظم بننے کے بعد شروع کیے گئے منصوبوں پر کام ہوتا تو ملک میں کوئی غریب نہ ہوتا اور ہر کوئی اپنے بچوں کو اچھی تعلیم اور طبی سہولتیں دے سکتا تھا جب کہ آج حالات اس قدر مشکل ہو چکے ہیں اب بہتری آئے گی۔
