اردو ورلڈ کینیڈا ( ویب نیوز)سابق وزیراعظم اور چیئرمین پی ٹی آئی عمران خان نے کہا ہے کہ اگر اتحادیوں کی باتیں اچھی نہ ہوں تو کارکن انہیں نظر انداز کردیں۔
اپنے ایک بیان میں عمران خان نے کہا کہ ہمارے کچھ لوگ اسمبلیاں تحلیل ہونے سے پریشان ہیں لیکن اس اقدام سے ہماری مقبولیت میں کمی نہیں آئے گی۔
انہوں نے کہا کہ اتحادیوں کی بات اچھی نہ ہو تو کارکن اسے نظر انداز کر دیں، اتحادی کی ہر بات ہماری لائن لینتھ پر نہیں ہو سکتی۔سابق وزیراعظم نے مزید کہا کہ ریاست قوم کو ووٹ کے ذریعے اپنے مستقبل کا انتخاب کرنے کا موقع دے۔
آئندہ ہفتے اسمبلیاں تحلیل ہو جائیں گی، فواد چوہدری
یاد رہے کہ اس سے قبل عمران خان نے اپنے ایک ٹوئٹ میں کہا تھا کہ پی ڈی ایم مافیا کی جانب سے سینٹور مال کو سیل کرنا شہباز شریف کی جانب سے کشمیری عوام کی قربانیوں کا ذکر نہ کرنے پر سرزنش کرنا ظاہر کرتا ہے کہ گزشتہ 8 ماہ سے پاکستان میںجنگل کا قانون ہے
