اردو ورلڈ کینیڈا ( ویب نیوز )ووٹ خریدے جائیں تو سمجھ جائیں زرداری موجود ہے شیخ رشید احمد نے کہا ہے کہ آصف زرداری خرید و فروخت کا بازار چلاتے ہیں۔ جہاں ووٹوں کی خرید و فروخت ہو رہی ہو سمجھ لیجئے آصف زرداری وہاں ہیں۔
سمندر پار پاکستانیوں کو ووٹ کا حق دینے سے متعلق درخواست دائر کرنے کے بعد سپریم کورٹ کے باہر میڈیا سے بات کرتے ہوئے شیخ رشید نے کہا کہ دیگر پاکستانیوں کی طرح سمندر پار پاکستانیوں کو بھی ووٹ ڈالنے کا بنیادی حق حاصل ہے۔ موجودہ حکومت اس معاملے پر تاخیری حربے استعمال کر رہی ہے۔
ہم سمندر پار پاکستانیوں کو ووٹ کا حق دینے آئے ہیں۔
انہوں نے کہا کہ تحریک انصاف عمران خان کا نام ہے ، عمران خان جہاں بھی ہیں ہم ان کے ساتھ ہوں گے۔ پرویز الٰہی تحریک انصاف کے امیدوار ہیں۔ جہاں ووٹ کی خرید و فروخت ہو وہاں سمجھ لیں آصف زرداری پیچھے ہیں۔ آصف زرداری نے خرید و فروخت کا بازار لگا دیا۔ جہاں ووٹوں کی خرید و فروخت ہو رہی ہو سمجھ لیجئے آصف زرداری وہاں ہیں۔ انہوں نے کہا کہ میں لاہور جا رہا ہوں، وہاں چودھری شجاعت حسین سے بات کروں گا۔ ق لیگ سے پرانے تعلقات ہیں۔
