عمران خان کی اہلیہ بشریٰ بی بی نے لطیف کھوسہ ایڈووکیٹ کے توسط سے اسلام آباد ہائی کورٹ میں دائر درخواست میں موقف اختیار کیا ہے کہ خدشہ ہے کہ میرے شوہر کو جیل میں کھانے سے زہر دیا ہے۔ ماضی میں قیدیوں کو دی جانے والی سہولت کے برعکس چیئرمین پی ٹی آئی کو گھر کا کھانا کھانے کی اجازت نہیں تھی۔
درخواست گزار کا مزید کہنا ہے کہ ملاوٹ شدہ کھانا میرے شوہر کی زندگی کے لیے نقصان دہ ہو سکتا ہے۔ جیل مینوئل کے مطابق انہیں وہ سہولیات بھی نہیں دی جا رہی ہیں جن کا وہ حقدار ہے۔ جیل میں میرے شوہر کے ساتھ غیر انسانی سلوک آئین کے آرٹیکل 9 اور 14 کی خلاف ورزی ہے۔
درخواست میں عدالت سے استدعا کی گئی ہے کہ جیل میں سہولیات کی فراہمی سے متعلق عدالتی حکم پر عملدرآمد کیا جائے۔ ذمہ دار میڈیکل آفیسر کی طرف سے خالص خوراک کی فراہمی کو یقینی بنایا جائے اور چیئرمین پی ٹی آئی کو جیل میں چہل قدمی اور ورزش کی سہولیات فراہم کی جائیں۔
