اردو ورلڈ کینیڈا ( ویب نیوز )وفاقی وزیر منصوبہ بندی احسن اقبال کا کہنا ہے کہ عمران خان نے اپنے کارکنوں کے ذہنوں میں نفرت پیدا کی اور اس زہریلی سیاست کا نتیجہ 9 مئی کو نکلا۔
نارووال میں میڈیا سے گفتگو کرتے ہوئے وفاقی وزیر منصوبہ بندی احسن اقبال نے کہا کہ 9 مئی کو شہدا کی یادگاروں کو نشانہ بنایا گیا اور نذر آتش کیا گیا، جناح ہا ئوس اور شہدا کی یادگاروں پر حملہ افسوسناک ہے۔
انہوں نے کہا کہ عمران نیازی نے اپنے حامیوں کو انتہا پسندی کی طرف موڑ دیا اور کہا کہ امریکہ کی ڈکٹیشن کیوں لیں، وہ اپنی نااہلی اور ہٹ دھرمی کی وجہ سے عوام کو ریلیف دینے میں ناکام رہا، موجودہ حکومت کو امپورٹڈ اور اداروں کو قومی دشمنی قرار دیا۔ قومی اداروں کے خلاف مہم چلائی اور تنقید کی۔
احسن اقبال نے سابق وزیراعظم کو تنقید کا نشانہ بناتے ہوئے کہا کہ عمران خان نے اپنی شکست تسلیم کرنے کے بجائے امریکی سازش کا ڈرامہ رچایا۔ عمران خان کے طرز سیاست کو پاکستان میں قبول نہیں کیا گیا اور پھر جو کچھ ہوا اسے سیاسی احتجاج نہیں کہا جا سکتا، کوئی بھی معاشرہ احتجاج کو آتش زنی میں تبدیل نہیں ہونے دیتا۔
انہوں نے کہا کہ پاکستان کے دشمن خوشی کی شادیاں کھیل رہے ہیں کیونکہ عمران خان جو کر رہے تھے وہ کروڑوں اور اربوں روپے خرچ کر کے بھی نہیں کر سکے۔
احسن اقبال نے کہا کہ اب عمران خان کی آڈیو سامنے آئی ہے، جس نے آئین توڑا وہ آج ملک میں آئین اور قانون کی بات کر رہا ہے، جس نے سی پیک کو تباہ کیا وہ معیشت کی بہتری کی بات کر رہا ہے۔ عمران خان کی انا پرستی نے پاکستان کی ترقی کو کریش لینڈ بنایا، ہم مائنس اور پلس کی سیاست پر یقین نہیں رکھتے، جزا اور سزا پر یقین رکھتے ہیں۔
ان کا مزید کہنا تھا کہ یہ لوگ پاکستان کو کمزور کرکے اسے غلامی میں دھکیلنا چاہتے تھے، میں مطالبہ کرتا ہوں کہ ملوث افراد کو کڑی سے کڑی سزا دی جائے۔
