سموگ کے باعث محکمہ سکول ایجوکیشن نے 10 اضلاع میں ہفتہ 18 نومبر کو چھٹی کا نوٹیفکیشن بھی جاری کر دیا۔

محکمہ سکول ایجوکیشن کے نوٹیفکیشن کے مطابق لاہور، ننکانہ صاحب، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین میں سرکاری اور نجی سکول بند رہیں گے۔

محکمہ سکول ایجوکیشن کا کہنا ہے کہ متعلقہ اضلاع کے سی ای اوز فیصلے پر عملدرآمد کریں گے۔

دوسری جانب لاہور شہر دنیا کے آلودہ ترین شہروں کی فہرست میں پہلے نمبر پر آ گیا، شہر کا مجموعی ہوا کے معیار کا انڈیکس 343 ریکارڈ کیا جا رہا ہے۔

اس حوالے سے انتظامیہ نے شہریوں کو ہدایت کی ہے کہ وہ غیر ضروری سفر سے گریز کریں اور گھر سے نکلتے وقت ماسک کا استعمال یقینی بنائیں۔