ishtiaq ahmed 
اردو ورلڈ کینیڈا ( ویب نیوز )انٹربینک مارکیٹ میں ڈالر کی قیمت تاریخ کی بلند ترین سطح پر پہنچ گئی ہے، امریکی کرنسی 2.62 پیسے اضافے کے بعد 232.50 روپے پر ٹریڈ کر رہی ہے۔
یاد رہے کہ رواں ہفتے کے پہلے کاروباری دن کے دوران انٹر بینک ایکسچینج میں روپے کے مقابلے امریکی ڈالر کی قیمت میں ایک بار پھر 51 پیسے کا اضافہ دیکھا گیا تھا۔
معاشی ماہرین کا کہنا ہے کہ وزیراعلیٰ پنجاب کے انتخاب سے متعلق سیاسی غیر یقینی صورتحال کے باعث روپیہ دباؤ کا شکار رہا۔ ما درآمد کنندگان نے روپے کی قدر میں کمی کے پیش نظر اپنے لیٹر آف کریڈٹ کو تیزی سے کھولنے کا سہارا لیا ہے، جبکہ برآمد کنندگان بھی اپنے فنڈز کو زیادہ سے زیادہ کرنے کے لیے بیرون ملک رقم بھیج رہے ہیں۔ حکومت اسٹیٹ بینک آف پاکستان کے ساتھ مل کر اس بات کو یقینی بنانے کے لیے رہنما خطوط جاری کرے کہ برآمد کنندگان ادائیگیاں موصول ہونے کے فوراً بعد اپنی ڈالر کی کمائی کو روپے میں تبدیل کریں۔
