ہندوستان سے تعلق رکھنے والے برطانوی وزیر اعظم رشی سونک نے کینیڈا کو اپنے تعاون کا یقین دلایا اور کہا کہ ایسے واقعات ناقابل قبول ہیں وہ قانون کی حکمرانی چاہتے ہیں۔
بعد ازاں کینیڈین وزیراعظم نے متحدہ عرب امارات کے صدر شیخ محمد بن ز ید سے بھی بات کی اور سکھ رہنما کے قتل کے معاملے پر تبادلہ خیال کیا۔ ٹھوس شواہد کو دیکھتے ہوئے امارات نے بھی کینیڈا کی حمایت کا فیصلہ کیا۔
بھارتی خفیہ ایجنسی کے ہاتھوں کینیڈا میں سکھ رہنما کے قتل پر وزیراعظم جسٹن ٹروڈو کو اردنی رہنما عبداللہ بن الحسین کی حمایت بھی حاصل ہے۔
یہ بھی پڑھیں
کینیڈا 10 اکتوبر تک اپنے 41 سفارت کاروں کو واپس بلا لے،بھارت
یاد رہے کہ 21 ستمبر کو کینیڈا نے سکھ رہنما ہردیپ سنگھ کے قتل میں بھارتی خفیہ ایجنسی را کے ملوث ہونے کے ٹھوس شواہد پیش کرتے ہوئے بھارتی سفیر کو ملک بدر کر دیا تھا۔جس کے جواب میں ہندوستان میں کینیڈین سفارت کاروں کو ایک ماہ کے اندر اندر ملک چھوڑنے کا حکم دیاگیا تھا۔
