اردو ورلڈ کینیڈا ( ویب نیوز ) اسرائیلی فوج نے دعویٰ کیا ہے کہ ایران سے اسرائیل کی جانب کم از کم 102 میزائل داغے گئے جس کے بعد مقبوضہ بیت المقدس میں سائرن بجنے لگے۔اسرائیلی فوج نے کہا کہ ایران نے بیلسٹک میزائل داغے ہیں۔اس حوالے سے خبر رساں ادارے کا کہنا ہے کہ اسرائیل نے تمام شہریوں کو محفوظ مقام پر جانے کو کہا ہے۔ایرانی میزائلوں کا ہدف اسرائیلی دارالحکومت تل ابیب ہے۔

اس سے قبل امریکی اخبار نیویارک ٹائمز نے اسرائیلی حکومت اور امریکی حکام کا حوالہ دیتے ہوئے کہا تھا کہ ایران آئندہ چند گھنٹوں میں اسرائیل پر حملہ کرنے کے لیے تیار ہے۔اسرائیلی فوج کے ترجمان ڈینیل ہیگارے کا کہنا ہے کہ امریکا نے اسرائیل کو ممکنہ ایرانی حملے سے آگاہ کر دیا ہے۔ اسرائیل اپنے اتحادیوں کے ساتھ ہائی الرٹ پر ہے۔