اردو ورلڈ کینیڈا ( ویب نیوز ) ایلون مسک نے مصنوعی ذہانت (AI) ٹیکنالوجی کو انسانیت کے لیے سب سے بڑا خطرہ قرار دیا ہے۔

ایلون مسک نے دبئی میں ایک تقریب میں آن لائن خطاب کے دوران  کہا کہ چیٹ جی پی ٹی ثابت کرتا ہے کہ اے آئی ٹیکنالوجی بہت زیادہ جدید ہے اور ہمیں اس کے بارے میں فکر مند ہونا چاہیے۔”AI مستقبل کے انسانوں کے لیے چند بڑے خطرات میں سے ایک ہے ۔

ایلو ن مسک نے مزید کہا کہ AI ٹیکنالوجی یقیناً ایک اچھی ترقی ہے جو مستقبل میں مواقع پیدا کرے گی لیکن یہ ایک بہت بڑا خطرہ بھی ہے۔دلچسپ بات یہ ہے کہ ایلون مسک ChatGPT تیار کرنے والی کمپنی OpenAI کے شریک بانی ہیں۔تاہم، ایلون مسک نے 2018 میں اس کمپنی سے علیحدگی اختیار کر لی۔

یہ بھی پڑھیں

ایلون مسک دنیا کا سب سے بڑا مسئلہ حل کرنے کے لیے تیار

ایلون مسک کا کہنا تھا کہ اے آئی ٹیکنالوجی پہلے ہی کافی ترقی کر چکی ہے لیکن عام لوگوں تک اس کی رسائی نہیں تھی تاہم چیٹ جی پی ٹی نے مزید لوگوں کو اس ٹیکنالوجی کو استعمال کرنے کا موقع فراہم کیا ہے۔

مزید پڑھیں

ایلون مسک کی جانب سے ٹویٹر کےنئے سی ای او کا اعلان،صارفین حیران 

انہوں نے کہا کہ گاڑیوں، طیاروں اور ادویات کی تیاری میں حفاظتی اصولوں پر عمل کرنا پڑتا ہے لیکن ابھی تک اے آئی ٹیکنالوجی کے لیے کوئی اصول و ضوابط نہیں ہیں۔

انہوں نے کہا، "ضابطے AI ٹیکنالوجی کی ترقی کو کسی حد تک سست کر سکتے ہیں، جو میرے خیال میں ایک اچھی چیز ہے۔”واضح رہے کہ ایلون مسک کافی عرصے سے خبردار کر رہے ہیں کہ اے آئی ٹیکنالوجی کی بے لگام ترقی انسانیت کے خاتمے کا باعث بن سکتی ہے۔
یہ خبر بھی پڑھیں

ایلون مسک کی ٹوئٹر کے دفتر کی قیمتی اشیاء نیلامی کیلئے پیش