اردو ورلڈ کینیڈا ( ویب نیوز)وفاقی وزیر خزانہ اور حکومتی مذاکراتی ٹیم کے سربراہ اسحاق ڈار نے پاکستان تحریک انصاف کے چیئرمین عمران خان سے مذاکرات کے لیے مشروط آمادگی ظاہر کر دی ہے۔

میرے بعد پارٹی کی قیادت شاہ محمود قریشی کرینگے ،جلد سرپرائز دوں گا،عمران خان

نجی ٹی وی سے گفتگو کرتے ہوئے پاکستان مسلم لیگ ن کے سینئر رہنما کا کہنا تھا کہ مجھے نہیں لگتا کہ عمران خان سے مذاکرات دوبارہ شروع ہوں گے، ان حالات میں مذاکرات ممکن نہیں، عمران خان نے اب تک صرف جناح ہاؤس واقعے کی مذمت کی ہے۔
سینیٹر اسحاق ڈار نے کہا کہ عمران نیازی پہلے اپنے کیے پر عوام سے معافی مانگیں، جو ہوا آئین کے مطابق تسلیم کریں، 9 مئی کے واقعات کی بھرپور مذمت کریں اور جو کچھ ہوا اس کی ذمہ داری قبول کریں۔ .
انہوں نے کہا کہ عمران خان یہ تینوں کام کر لیں تو مذاکرات کے امکانات نظر آ سکتے ہیں۔