جو بائیڈن نے فلسطینی صدر محمود عباس سے بھی فون پر رابطہ کیا اور کہا کہ حماس فلسطینیوں کے حق خودارادیت کی نمائندگی نہیں کرتی جب کہ محمود عباس نے بھی امریکی صدر کی حمایت کی۔دوسری جانب اسرائیل کے نئے وزیر گیڈون ساعار نے جنگ کے اختتام پر غزہ کو مزید چھوٹا کرنے کی دھمکی دیتے ہوئے کہا ہے کہ مشرق اور شمال دونوں طرف سے آنے والے فلسطینیوں کو اپنا علاقہ چھوڑنا پڑے گا۔
امریکی قومی سلامتی کے مشیر نے خبردار کیا ہے کہ اسرائیل اور حماس جنگ بڑے تنازع میں بدل سکتی ہے اور اس جنگ سے لبنانی سرحد پر ایک نیا محاذ کھلنے اور ایران کے ملوث ہونے کا خدشہ بھی ہے۔امریکی وزیر خارجہ انتھونی بلینکن نے ریاض میں سعودی ولی عہد شہزادہ محمد بن سلمان سے ملاقات کی اور غزہ کی صورتحال پر تبادلہ خیال کیا۔انٹونی بلینکن نے سعودی عرب کے دورے کے بعد قاہرہ میں مصری صدر عبدالفتاح السیسی سے ملاقات کی جس میں مصری صدر نے کہا کہ اسرائیل اب اجتماعی سزا پر اتر آیا ہے۔ مصر کے بعد اینٹونی بلینکن اردن پہنچ گئے اور جہاں سے وہ آج اسرائیل واپس جائیں گے۔