لیفٹیننٹ جنرل فیض حمید کو بہاولپور کور کمانڈر تعینات کر دیا گیا، آئی ایس پی آر

اردو ورلڈ کینیڈا ( ویب نیوز )آئی ایس پی آر کے مطابق لیفٹیننٹ جنرل فیض حمید کو بہاولپور کور کا کمانڈر تعینات کر دیا گیا ہے۔

پاک فوج کے ترجمان کے مطابق لیفٹیننٹ جنرل حمید کے علاوہ دو نئی تقرریوں کا اعلان بھی کیا گیا
جنرل فیض حمید کی جگہ لیفٹیننٹ جنرل سردار حسن اظہر حیات کو پشاور کور کا کمانڈر تعینات کیا گیا ہے۔

علاوہ ازیں آئی ایس پی آر کے مطابق لیفٹیننٹ جنرل خالد ضیاء کو پاک فوج کا نیا ملٹری سیکرٹری مقرر کر دیا گیا ہے۔

گزشتہ ہفتے آئی ایس پی آر کے سابق ڈائریکٹر جنرل لیفٹیننٹ جنرل آصف غفور کو کور کمانڈر کوئٹہ مقرر کیا گیا تھا۔

آئی ایس پی آر کے مطابق، لیفٹیننٹ جنرل غفور کو ان کے پیشرو، لیفٹیننٹ جنرل سرفراز علی کی جگہ تعینات کیا گیا تھا، جنہوں نے گزشتہ منگل کو بلوچستان میں فوج کا ایوی ایشن ہیلی کاپٹر گر کر تباہ ہونے کے بعد پاک فوج کے پانچ دیگر اہلکاروں کے ساتھ شہادت کو گلے لگا لیا۔