ishtiaq ahmed 
اردو ورلڈ کینیڈا ( ویب نیوز )ہیلی کاپٹر حادثے کو لیکر سوشل میڈیا پر گزشتہ کئی دنوں سے نفرت انگیز مہم چلائی جارہی ہے جس کو کنٹرول کر نے کیلئے ایف آئی اے نے جی آئی ٹی بنادی ہے اور تحقیقات کی دائرہ وسیع کردیا ہے
وفاقی تحقیقاتی ادارے (ایف آئی اے) نے لسبیلہ ہیلی کاپٹر واقعے کے بعد پاک فوج کے خلاف سوشل میڈیا مہم کے معاملے کی تحقیقات کے لیے 4 رکنی جے آئی ٹی تشکیل دے دی۔
ذرائع کے مطابق ایڈیشنل ڈی جی ایف آئی اے نے پاک فوج کے ہیلی کاپٹر حادثے کے حوالے سے سوشل میڈیا پر جاری مہم پر سائبر کرائمز سرکل کی خصوصی کمیٹی تشکیل دے دی۔ ڈی جی سائبر کرائم محمد جعفر ٹیم کی قیادت کریں گے۔
اس حوالے سے ذرائع نے مزید بتایا کہ ڈائریکٹر ایف آئی اے وقار الدین سید کو بھی کمیٹی میں شامل کیا جائے گا۔
جے آئی ٹی ہیلی کاپٹر حادثے کے حوالے سے سوشل میڈیا پر منفی پروپیگنڈہ کرنے والوں کے خلاف کارروائی کرے گی۔
خصوصی کمیٹی منفی پروپیگنڈہ کرنے والوں کی نشاندہی کرکے مقدمات بھی درج کرے گی۔
