اردو ورلڈ کینیڈا ( ویب نیوز )مسلم لیگ (ن) کی سینئر نائب صدر مریم نواز نے کہا ہے کہ سازشی سازشیں کر رہے ہیں کہ معیشت ٹھیک نہ ہو، ہمیشہ کی طرح قوم کو مسائل سے صرف شیر ہی بچائے گا اور گیدڑ بھاگ جائیں گے

پاکستان مسلم لیگ (ن) گوجرانوالہ ڈویژن کی مرکزی تنظیم کا اجلاس سینئر نائب صدر اور چیف آرگنائزر مریم نواز کی زیر صدارت ہوا۔
مریم نواز نے کہا کہ آپ کی شناخت اور جماعت کو مٹانے والے اللہ کے فضل سے مٹ گئے۔
انہوں نے کہا کہ الزام لگانے والے آج منہ چھپا رہے ہیں، پتلی تماشے کرنے والے گھروں میں قید ہوگئے ہیں ، یہ پہلا موقع نہیں کہ ہمیں مشکلات میں گھرا ہوا ملک ملا جب بھی ملک مسائل میں ہوتا ہے نواز شریف اور شہباز شریف کو آنا پڑتا ہے
مریم نواز نے کہا کہ آج مشکل ہے لیکن اللہ تعالی کی مدد سے لوڈشیڈنگ کے اندھیروں کی طرح معاشی اندھیرے بھی ختم ہوں گے اورگیدڑوں سے نجات مل جائے گی۔
ان کا مزید کہنا تھا کہ عمران دری کا ٹرک ڈرائیوروں سمیت پکڑا گیا ہے۔