اردو ورلڈ کینیڈا ( ویب نیوز ) الیکشن کمیشن نے محسن رضا نقوی کو نگران وزیر اعلی پنجاب مقرر کر دیا ، الیکشن کمیشن پنجاب کے نگراں وزیراعلیٰ کی تقرری کے لیے حکومت اور اپوزیشن کی جانب سے تجویز کیے گئے چاروں ناموں پر غور کیا گیا تفصیلات کے مطابق چیف الیکشن کمشنر کی زیرصدارت اہم اجلاس میں چار ارکان، سیکریٹری الیکشن کمیشن، اسپیشل سیکریٹری اور ڈی جی قانون شریک ہوئے جب کہ سیکریٹری الیکشن کمیشن کی جانب سے چاروں نامزدگیوں کے بارے میں بریفنگ دی گئی۔
یہ بھی پڑھیں
کو ن بنے گا نگران وزیراعلیٰ پنجاب ، فیصلہ آج
پنجاب کے نگرا ن وزیراعلیٰ کے لیے حکومت کی جانب سے نوید چیمہ اور احمد نواز سکھیرا کو نامزد کیا گیا تھا جب کہ اپوزیشن کی جانب سے محسن رضانقوی اور احد چیمہ کے نام تجویز کیے گئے تھے۔ سیکرٹری الیکشن کمیشن نے اجلاس میں چاروں نامزد امیدواروں کی پروفائل اور کیرئیر سروس کی تفصیلات پیش کی ہیں اور اجلاس میں کمیشن کی باہمی مشاورت کے بعد محسن رضا نقوی کو نگراں وزیراعلیٰ پنجاب مقرر کر دیا گیا
مزید پڑھیں
